شعری در وصف وطنم کرندق
اؤلکه میز ایچره گؤزه ل شانلی دیاریم دی کرنده
نازلی یاریم دی کرنده
قیشدا یایلاقلاری قار یازدا چمن لر نه گؤزه لدی
نقش نقّاش ازلدی
چای چمن گؤلدی چیچکدی
سانکی مشاطه الیلن بزه نوب لاله لئچکدی
اؤخیور بولبولی باغدا نه خوش الحان دی عزیزیم
اوره گی قاندی عزیزیم
چوبانی داغدا چالور نی اؤخیور تللی سارای دان
نیاکی گئچمه دی چای دان
سارانین ، خان چوبانین زندگی سی غملی غزلدی
قوجامان داغلاری چوخ گورمه لی دور یایدا باهاردا
سیره چیخ یایلاقی گز گؤر بو طبیعت اولی هاردا
چوللری لاله دی ریحان
ایله بول صحن گولوستان
بوردا سن هر طرفه سیر ایله سون باغی دی بستان
بو گؤزه للیک هارا بنزر ؟ اویان الوان بویان الوان
قیل قضاوت ئوزون انسان
بودیاریمدی کرنده ، نازلی یاریم دی کرنده
گؤزه لیم هاردا گوروبسن بی طبیعت بئله زیبا
اولا یایلاقلاری خضرا ؟
خامه ده یوخدی توانا ایده بوصحنه نی انشا
دیلده قاصردی بو ایشده ، گوزدن ایلور او تمنّا
قیل نظر ایله تماشا
خلقتین جلوه لرین خالق ایدوب بوردا مهیّا
بونه یئردور بئله گؤیچک
باغی گؤیچک داغی زیبا
بودیارم دی کرنده نازلی یاریم دی کرنده
اولسا مونکون گوره رم بابارشیدین گؤی چمنین من
ده ره رم لاله لریندن
بیرچمنگاهیدی دوزگون نه گؤزه ل یایلاقی واردور
قیشی قاردور یازی گؤیچکدی دوغورداندا باهاردور
یئرده کهلیک لراؤخور باشلارینون اوسته کی ساردور
سس سسه ویرمیش اویردن هامیسی تاری نی سسلور
سرتعظیم وارادتله گینه یاری نی سسلور
عاشقین کونلی اویرده گئدی معشوقینه ساری
قالموراعضاده قراری
دم به دم سسلوراویاری
آل یاشیللیق بوره یوب دامن صحرانی اویرده
سانکی رؤیاده گورورسن پری جیرانی اویرده
آلیرانسانی دن او جانیله ، ایمانی او یرده
آی منیم غمزه لی یوردوم سنه قوربان اولا جانیم
ای منیم روح وروانیم
داغلارون دامنه سینده نه گؤزه ل چشمه لرون وار
ئوزی شیرین سؤیی شیرین نه شیرین زمزمه بنزر
کروانین چشمه سی آخماقدادی اول چایلارا ساری
چایلاریندا سسی شیرین
شاعرین نغمه سی شیرین
ذروه لرده دره لر وار ، دره لرده هره لر وار
هره لر سینه لرینده چیل ، گؤزه ل چوخ فره لر وار
سس لرین داغ داشا سالمیش
نه اوخوللار
خان چوباندان ، نبی دن ، بیرده کؤر اوغلوندان اوخوللار
اول شیرین لحنیله سؤیلوله عزیزیم
بودیاریم دی کرنده نازلی یاریم دی کرنده
واردی تاریخ ده آدون سالارام یادلارا یادون
اول زماندان کی سنی باغلادیلارتوپه توفنگه
عار اولا فیتنیه ، جنگه
مرد اوغللارکی اولارهر بئری بنزردی پلنگه
توش اولوبلار گینه ده زهریلی پیکانه خد نگه
یاپیشوب ظولمون الیندن گوتوروب باسدیلا ننگه
عار اولا فیتنیه ، جنگه
الغرض ای آنا یوردوم
ظالیمین بوینونی بوردوم
اولدی ظالیم آدی باتدی ولی سن قامت اوجاتدون
ظولمی آخیر نه قوجاتدون
(حاتمی ) سؤیلی یرالآن بئله بیر قامته احسن
بوگؤزه ل همّته احسن
شاعر:گودرز حاتمی 
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.